លោក បេ ចន្ត្រា ដែលជានាយកគ្រប់គ្រងរបស់ក្រុមហ៊ុន PerfexTech និង លោក Syed Quader ជាអគ្គនាយកក្រុមហ៊ុន SouthTech នៃប្រទេស បង់ក្លាដេស បានចុះហត្ថលេខាព្រមព្រៀងនាំចូលប្រព័ន្ធធនាគារ Ascend ដែលជាធនាគារទទួលបានភាពល្បីល្បាញចំពោះផ្នែកមីក្រូហិរញ្ញវត្ថុ និងធនាគារទូទាំងពិភពលោក ។
លោក Syed Quader បានបញ្ជាក់ថាគ្រឹះស្ថានមីក្រូហិរញ្ញវត្ថុ និងធនាគារជាច្រើនជុំវិញពិភពលោកសុទ្ធតែប្រើប្រាស់ប្រព័ន្ធ ធនាគារ Ascend។ លក្ខណៈពិសេសនៃប្រព័ន្ធធនាគារនេះ គឺវាអាចគ្រប់គ្រងប្រតិបត្តិការធនាគារហើយវាក៏ត្រៀមខ្លួនរួចជា ស្រេចក្នុងការផ្លាស់ប្ដូរផ្សេងៗទាក់ទិននឹងប្រព័ន្ធដំណើរការខាង ក្នុង។ ដូច្នេះហើយប្រព័ន្ធធនាគារAscend អាចផ្គត់ផ្គង់ទៅ តាមតម្រូវការនៃប្រតិបត្តិការក្រេឌីដមូលដ្ឋានរបស់គណនីរហូតដល់ ប្រតិបត្តិការស្មុកស្មាញរបស់គ្រឹះស្ថានមីក្រូហិរញ្ញវត្ថុ និងប្រតិបត្តិការធនាគារជាដើម។
Ascend មានលក្ខណៈធំទូលាយក្នុងប្រតិបត្តិការដោយក្នុងនោះមានដូចជា ប្រតិបត្តិការធនាគារចល័តប្រតិបត្តិការជាមួយ PDA ប្រតិបត្តិការជាមួយម៉ាស៊ីនATM និង POS ប្រតិបត្តិការធនាគារតាមរយៈអ៊ីនធឺណិតនិងការបង់លុយតាមរយៈ អ៊ីនធឺណិត។
លោក ចន្ត្រា បាននិយាយថាដំណើរការនៃធនាគារដែលអាចប្រតិបត្តិការជាមួយ រូបិយប័ណ្ណចម្រុះមានសារៈសំខាន់ណាស់ចំពោះកម្ពុជា។ ប្រព័ន្ធធនាគារនេះក៏អាចប្រើសម្រាប់ម៉ាស៊ីន ATM ដែលស្គាល់រូបិយប័ណ្ណចម្រុះផងដែរ។ អ្នកខ្ចីប្រាក់ អាចខ្ចីរូបិយប័ណ្ណមួយ ហើយសងវិញដោយរូបិយប័ណ្ណមួយផ្សេងទៀតពីព្រោះ វាអាចបម្លែងចំនួនប្រាក់ដែលបានខ្ចីទៅជាអត្រាប្តូរប្រាក់ទូទៅ ដោយស្វ័យប្រវត្តិ។ Ascend ស្គាល់នូវមូលដ្ឋានទិន្នន័យពីរគឺ Microsoft SQL និង Oracle ដូចនេះធនាគារអាចមានជម្រើសក្នុងការប្រើប្រាស់។
លោក ចន្ត្រា បានបន្ថែមទៀតថា៖ “ប្រសិនបើប្រតិបត្តិការមានទំហំតូចអតិថិជនគ្រាន់តែដំណើរការលើ MS SQL ជាមួយកុំព្យូទ័រធម្មតាក៏បានដោយមិនចាំបាច់ចំណាយទុនធំទៅលើ ប្រព័ន្ធធនាគារនេះទេ។
ចំពោះ Oracle គឺយើងត្រូវការនៅពេលដែលធនាគារមានរាប់រយសាខា និងអតិថិជនរាប់លាននាក់។” គួរឱ្យកត់ សម្គាល់ដែរថាប្រព័ន្ធធនាគារថ្មីៗអាចនឹងផ្ដល់នូវសារៈប្រយោជន៍ ថ្មីប្លែក និងសំបូរបែបដែលភ្ជាប់មកជាមួយនូវបច្ចេកវិទ្យាទំនើបហើយអាចផ្ដល់ នូវតម្លៃមួយយ៉ាងប្រសើរ។
អ្នកជំនាញម្នាក់ដែលសុំមិនបញ្ចេញឈ្មោះបានបញ្ជាក់ថា៖ ” តម្លៃនៃការទិញអាជ្ញាប័ណ្ណនឹងតម្លៃសរុបនៃគម្រោង IT គឺយើងចំណាយតិចបើយើងធៀបនឹងតម្លៃនៃការផ្លាស់ប្ដូរប្រព័ន្ធចាស់ មកប្រព័ន្ធថ្មីរួមទាំងការចំណាយលើឧបករណ៍ថ្មីដើម្បីឱ្យវាអាច ដំណើរការជាមួយនឹងប្រព័ន្ធថ្មី។ ឧទាហរណ៍ FlexCube អាចនឹងចំណាយតម្លៃ ២ម៉ឺនដុល្លារ សហរដ្ឋអាមេរិកចំពោះការទិញ អាជ្ញាប័ណ្ណ ប៉ុន្តែនៅពេលសរុបបញ្ចូលជាមួយតម្លៃមូលដ្ឋានទិន្នន័យរបស់ Oracle ម៉ាស៊ីន IBM Server និងតម្លៃជួលអ្នកជំនាញមកបង្ហាត់ចំណាយនឹងអាចកើនដល់ ២លានដុល្លារ” ។
លោក Syed Quader បានបន្ថែមទៀតថា ៖ ”យើងអាចនាំមកនូវប្រសិទ្ធភាពយ៉ាងជាពិសេសចំពោះគ្រឹះស្ថានមីក្រូ ហិរញ្ញវត្ថុ និងធនាគារមីក្រូហិរញ្ញវត្ថុ ដោយផ្ដល់នូវតម្លៃទាបសម្រាប់ការធ្វើជាម្ចាស់កម្មសិទ្ធិតាមរយៈ បច្ចេកវិទ្យាថ្មីៗ។ យើងមានបញ្ជីទិន្នន័យដែលអាចជួយស្ថាប័ន និងគ្រឹះស្ថានទាំងនោះផ្ដោតលើការជួយសម្រាលភាពក្រីក្រ តាមរយៈកម្ចីប្រាក់ក្នុងអត្រាការប្រាក់តិចតួច” ៕ CM
0 មតិ:
Post a Comment