ក្រុមមន្ត្រីផ្នែកសិទ្ធិមនុស្សរបស់អង្គការសហប្រជាជា និង អង្គការសង្គមស៊ីវិលក្នុងស្រុកចំនូន៣ទៀតដែលក្នុងនោះរួមមាន អង្គការសិទ្ធិមនុស្សអាដហុក , លីកាដូ និងមជ្ឈមណ្ឌលសិទ្ធិមនុស្សកម្ពុជា បានចុះទៅអង្កេតដល់ទីកន្លែង ដែលមានការបាញ់ប្រហារលើសកម្មជនព្រៃឈើ នៅចំណុច វាលបី ក្នុងស្រុក មណ្ឌលសីមា នៃ ខេត្ត កោះកុង ដើម្បីឲ្យបា្រកដថា ហេតុកាណ៏នេះប្រព្រឹត្តទៅយ៉ាងដូចម្ដេច ឬ ក៏ ជាគម្រោងផែនការងងឹតរបស់ក្រុមណាមួយ ។
លោក ឈុត វុទ្ធី អាយុ ៤៦ ឆ្នាំ សកម្មជនការពារព្រៃឈើ ដ៏លេចធ្លោត្រូវបានបាញ់សម្លាប់កាលពីវេលាម៉ោង ប្រមាណ១២ ថ្ងៃត្រង់ ក្នុងថ្ងៃព្រហស្បត៍ម្សិលមិញ ខណៈដែលលោក បើករថយន្ត ល្បាតនិងថត សកម្មភាពកាប់ឈើខុសច្បាប់ ដែលស្ថិតនៅតាមព្រំប្រទល់រវាងខេត្ត ពោធិ៍សាត់ និង ខេត្ត កោះកុង ក្នុងស្រុក បណ្ឌលសីមា ។
នៅព្រឹកថ្ងៃសុក្រនេះ គណបក្សសម រង្ស៊ី ក៏បានចេញសេចក្ដីថ្លែងការណ៏ ដោយធ្វើការរិៈគន់ខ្លាំងៗ ផងដែរ ចំពោះករណីបាញ់សម្លាប់ សម្មជនព្រៃឈើរូបនេះ ដោយបានទាមទារឲ្យរដ្ឋាភិបាលវែកមុខអ្នកនៅពីក្រោ និង ចាប់ខ្លួនអ្នកពាក់ព័ន្ធក្នុងសំណុំរឿងនេះ យកមកកាត់ទោសតាមច្បាប់ និង ត្រូវការពារអ្នកកាសែតឌឹឃឹមបូឌាដេលី ២នាក់ ជាសាក្សីសំខាន់ ដែលកំពុងត្រូវបានសាកសួរដោយសមត្ថកិច្ចនាពេលនេះ ៕ភ្នំពេញៈ២៧មេសា២០១២
0 មតិ:
Post a Comment